الحلا للحلو~ منيو حلا و مفاجأة جممييييييلة بالداخل =d

حلا الاوريو



المقادير:
3ظرف دريم ويب
2 بيالة حليب بارد
2علبة قشطة
بسكويت اوريو تقريبا 6 باكيتات

الطريقة:
نخلط الدريم ويب و الحليب بخلاط الكيك و لما يصير ثقيل نضيف القشطه و نكسر الاوريو صغار مررره و نضيفه للخلطه ونخلللط وبعدين نحطه ب اكواب زي ما انا مسويه أو ف صينية متحركه مع تغليف ارضيتها بالقصدير عشان ما ينزل
و يوضع بالفريزر لما يجمد و بالعافيه.

تارت





المقادير:
العجينة:2كاس دقيق أبيض + ثلاث ارباع زبده طريه + وحده بيضه + ملعقه صغيره باكنج بودر+ نص كاس سكر بودره
الحشوه:بيضه + ثلث كاس سكر مطحون+ربع ملعقه صغيره باكنج بودر+ملعقه صغيره فانيلا+ 12جبنه كيري
على الوجه الأجمل تحطين فراوله مقصوصه بس للاسف ماكان عندي وقتها

الطريقة:
نعجن المقادير بخلطها ونسوي الحشوه بخلطها و نحطها بقوالب ونحط الحشوه بعد ماتطلع من الفرن تترك لتبرد وبالعافيه.

كيرلي دونتس



المقادير :
2 بيض
4 اكواب طحين
نصف ملعقة صغيرة فانيلا
كوب حليب < اانا حطيت ملعقتين حليب نيدو و عبيت الكاس مويه لان مااكاان عندي حليب سائل
نصف اصبع زبدة
ملعقة كبيرة موب مليانة خميرة
5 ملاعق كبار سكر
رشة ملح
ملعقة كبيرة موب مليانة بيكنغ باودر

الطريقة :
*نغلي الحليب على النار ثم نرفعه بعدين نضيف عليه الزبدة و نحرك حتى تذوب تماما بعدين نضيف السكر و نحرك زين و نخلي الخليط لين يصير دافي
*ناخذ زبدية نحط فيها البيضتين و الفانيلا و رشة الملح نخلطهم شوي بعدين نضيف عليهم خليط الحليب و هو دافي شوي شوي مع التحريك بعدين الخميرة و نخلط بعدين الطحين و البيكنغ باودر و نعجن لين الحصول على عجينة طرية تلزق باليد شوية نغطيها و نخليها تتخمر مدة ساعة كاملة.
و سوي الشكل الي تبينه و حطي عليها سكر بودره او انا حطيت 5 جاليكسي مذوبه مع قشطه و طعمها يمممي و رشيت سكر بودره للزينه

كيك بالايسكريم



المقادير:
بكل بساطه علبة بيتي كروكر بالشكلاته
و ايسكريم فانيلا

الطريقه:
سوي الكيك و حطي عليه الايسكريم زي بالصوره و ذوقي اندماج طعم الايسكريم و الكيك لذيييذ

كنافه



المقادير:
كنافه ، اصبع زبده
للحشوه: نشا ، حليب بودره ، سكر، قشطه

الطريقه :
قطعي الكنافه صغار مررره و ذوبي اصبع الزبده ع النار لما يصير زي السمن واعجني به الكنافه المقطعه جيبي صينية الكب كيك و ادهنيها بزيت و حطي الجزء الاسفل من الكنافه ب كل كوب و بعدين سوي قشطة الكنافه البيتيه طعمه مرره جيبي 6 ملاعق حليب بودره و 3 ملاعق نشا وحطيها بقدر و جيبي كوب مويه بارد وحطيه عليهم و فنجان سكر و شغلي النار الهاديه وحركي حركي لما تصير ثقييييله و بعدين حطي القشطه عليها وخلطي و ارجعي حطيها ع الكنافه و خذي باقي الكنافه غطي فيه القشطه و صبي ع كل وحده من الزبده الي ذوبتيها مره تطلع طعمه لما تكون بحججم صغير تاخذ حقها صح

السبرايس



كيكه ب عجينة السكر


يلا الحين شدو حيلكم في خطوات كثير

المقادير زي الي بالصوره بيتي كروكر اي نوع تحبونه و مارشميلو ابيض لازم ابيض و الوان طعام اذا حابين



سوي خليط بيتي كروكر و بعدين خذي المارشميلو حطيه ب طاسه مسحيها ب زيت ومويه شويا بسسس و دخليها المايكرويف لما يصير شكلها كذا



بعدين جهزي سكر مطحون بقدر كاسه كبيره او يمكن تحتاجين اكثر كل ماتحتاج العجينه اكثر زودي اذا بتعجنين ب يدك ترا عادي تزبط لكن تاخذ وقت طويل زمان لما كنت اسويها قبل نشتري العجانه كانت تعذبني بس مع العجانه اعتبري انه سهل جدا حطي المارشميلو الي طلع من المايكرويف ب اناء العجانه و كبي عليه السكر المطحون لما تحسيها عجينه زي الصلصال زي كذا



بكذا انتهينا من الجزء الصعب (عجينة السكر) وجينا للجزء الممتع

جهزي كريمه بالدريم ويب انا هنا لونتها بالبينك



جيبي الكيك الي سويتيه وامسحي عليه بالكريمه



انا سويت كيكتين فوق بعض عشان تطلع اجمل و اطول



بعد الدهن بالكريمه



جيبي عجينة السكر الي جهزناها و حطيها ع مكان نظيف و رشي ع المكان سكر بودره



افردوها مزبوط معليش ثقيله لكن تزبط و بعد الفرد غلفو فيها الكيكه مثل كذا



و النتيجه الرائعه



اوه تعبت يلا ادوني ارائكم و تقيماتكم و شاكره لكم حسن استماعكم

سي يوووو