جوله حول مدرستنا من(تصوير صديقاتي ) وابداعاتنا

سلامووووووووووووووووووووووو
عليكم حبايبي اعضاء غرام
عقب ماشفت ردودكم الحلوه والتقييمات الي
خلتني انزل الجزء الثاني من الجوله
طبعا سبب التأخير انشغلي بالاختبارات
مع انه باقي لي ماده بس احس اني كل ماطولت كل مامصخت
انزين ندش في الموضوع >>>>>>>>>>>> بعد الهذره
وباقي هذر مع كل صوره


هذي الهديه الله يسلمكم من معلمة الجغرافيا (ف) عاد اقول لكم قصة الهديه من بعد اختبارات الفصل الاول
جلسنا نهذر عليها الا تكرمنا في الطابور وتعطينا هديه وشهادة تقدير انا ونونو عاد ابله الجغرافيا مره طيوبه
وحيل كل مره تجي حصتها قبل ماتدخل الفصل نركض انا والنونو لها ونقول لها يوه ابله ماكرمتينا كان تقول انتظروا ماحد يودني السوق عاد احنا نخزي و نحرج الواحد نقول لها عادي ترى نوديك >>>>>>> يمكن الابله ماعندها فلوس الا نحرجها بس عاد انا والنونو وجهنا بنفهري
انزين في نفس اليوم الي قمنا فيه بالتصوير ما شفنا
الا ابلة الجغرافيا جابيه الهدايا كان نفرح انا والنونو
والخزي اكثر ان انا ماخذه فيه في النهائي 29 من 30 والنونو 28 من 30
خزي والله مو صح

باقي صور فصلي






عاد اما بضاعة مناير شيء فضيع تراها بس هاذي الصوره كانت في نهايه الدوام لانها من اول ماتجي
على طول ناخذ الكيسه ونتشري منها لان فيها اكلات يم يم
لان كان فصلنا ابو الاكل وشكثر الشكاوي الي جات علينا عشان سالفة الاكل
لان اكل اكل عاد كنا نجيب فطائر طبخ وبيتزا وشاروما .................الخ
ومره مصاخناها وجبنا حماصه والريحة اطلعت وعمت المدرسه وعلى طول
جتنا بنت النظام بس من الزحمه على الحماصه ماانتبهت وكان انا ووحده من البنات
انتبهنا كان نقول لهم بنات جات هاذي الملقوفه تراها بتبلغ علينا وبسرعه نروح نطلعها
من الدريشه الخارجيه وكان فيه طاوله جنبها وحطناه فيه وصكرنا الدريشه
وبعد الفسحة جات الادراه وقالت وش جايبيبن قلنا لهم ماجبنا شيء وفتشوا
وما شافوا شيء مع انهم اطلعوا واهم شاكين >>>>>>>>>> اعنبو انتشرت الريحة في كل المدرسه ونبغاهم يشكوا بس المهم جات سليمه



لاتعليق











فن العلك الله والفن بس فضاوه فينا










فن الكتابه بالشنط 3/2 >>>>>>>>>>> والله كل شيء سويناه سميته فن خخخخ مصدقين روحنا



ها حلو التصميم مو وفكره جديده مو >>>>>>>>>>مدلعه الاخت بفصلها وقاعده تمدحه

جدولنا الغثى بالاخص يوم السبت اغث منه مافيه هذا مقصفنا الخزي ما يبعوا شيء كل شيء بايخ واغلبه بساكيت وياليت حلوه بعد بسكوت مالح وما شابه البسكوت المالح عاد المصلى مكان اقامه معلمة العربي وكل امجمعتنا فيه ومسويته مكان عرض وشرح مسكينه ابله العربي الحين لو تشوف الكلام الي عليها شان تقول الله يسامحك يا كيكه طيوبه بالحيل ياعمري عليها بس كل ماجمعتنا ابله العربي تجمعنا فها المكان وسوينا انواع الازعاج والفوضى ومسكينه عاد اهي تجلس اتسكتنا بس مابه فود امجمعه الشله مستحيل نسكت اما عاد هالطاوله معها ذكريات سيئه يجلسون يقرقرو علينا ليمن ينفخوا رسنا عاد الحاسب وع وع وع اكثر ماخربوه بنات السنه الي بعدنا كانوا وسخين امكتبين وامشخبطين وخرابين الكراسي وكل الحاسب اخترب وحتى البرامج الي في الحاسب بشكل عام اخربوا كل الحاسب

• - عاد هنا وقوف المعسكر وملزوم علينا نطلع البطاقه ولبس الغطوه الصغيره >>>>>>>>والي تنسى تروح وطي
  
  
  
  الطلعه في ذا المكان ماتكون الا في الاختبارات
  
  
  
  
  
  خارج المدرسه
  
  
  
  اما عاد اخر شيء زي التخرج
  
  
  
  
  طبعا كنت بجيب لكم زينة التخرج كانت حلوه حيل بس ماعندي
  للأسف
  اذكر في يوم التخرج استهبلنا درجه اولى خلاص هاذي النهايه لازم نستهبل اشوي
  رقصنا وصفقنا وعرضنا طبعا الصور في الحفل مع وجود موجه العربي والمديره ولاحد
  يقول لي انه مو من حقي انزل الصور الموجه والمديره شافوا الصور في الحفل
  
  والله كنت بحط لكم نشيدة التخرج حقتنا بس للاسف ماعرفت احملها ادري انها مالها شغل
  في الصور بس والله نشيدتنا تجيب الوناسه والاستهبال النشيده حفلة تخرجنا اتوقع تعرفوها ومين مغنيها
  
  وبعد صاحوا المعلمات علينا وصحنا اشوي عليهم بس يوم دخلنا وشفنا الاكل المجهز لنا
  على الطاولات في فصولنا سوينا هجوم على الاكل جوعنين لان كنا مشغولين في الصباح
  بالشعر لان كل وحده فينا جايبه كواية شعر واستشوار هوائي
  
  
  
  
  
  الـــــــــــــــــــــــــنــــــــــــــــــــــ ــــــــــــــــــــــــــــــهـــــــــــــــــــ ــــــــــــــــــــــــــــــــــــايه
  
  
  
  اتنمى انكم استمتعوا بالجوله
  وابى شيء يحبونه كل اعضاء غراااااام
  ابي تقيييييييييييييييييييييم منكم يالحلوين لاتبخلوا
  علي مااتوقع انكم بخليين >>>>>>>>>> اتحليق